Арганізатар нядаўна нарабіўшага шуму «Славянскага маршу» Зміцер Дзенісенка атрымаў павестку ад Ленінскага РАУС. Малады чалавек лічыць, што справа ў мерапрыемстве, якое адбылося 25 лістапада. У дачыненні да Дзенісенкі пачалі адміністрацыйны працэс. Арганізатар «Марша» здзіўлены тым, што міліцыя вырашыла правесці гутарку з ім праз такі працяглы час — паўтары тыдня.
— Падпісаную інспектарам Загорскім (які, дарэчы, быў на акцыі) павестку прынеслі маім бацькам, я жыву з імі. Ні падчас тэлефоннай размовы, ні пры непасрэдным ўручэнні так і не патлумачылі, у чым заключаецца парушэнне мною заканадаўства — кажа Зміцер Дзенісенка.
У самым дакуменце гаворыцца толькі пра тое, што малады чалавек прыцягваецца як «асоба, у адносінах да якой вядзецца адміністрацыйны працэс». У павестцы Дзенісенкі сказана, што ён абавязаны быць у Ленінскім РАУС Магілёва сёмага снежня ў пятнаццаць гадзін дня.
фото — belapan.com
