Нейкімі частымі сталі ў нас «Прышпілы». Але мы не вінаватыя, яно само! З гонарам першаадкрывальнікаў прадстаўляем вам наш сёняшні выпуск «Прышпілаў Магілёва» — шосты!
Цуды пісьменнасці і адукаванасці дэманструюць студэнты з інтэрнату №1. Жадаем хлопцам знайсці-ткі сваю «кОстрюлю», прынясіце ім яе, «пожалуйстО».
Зараз дзеці — не тое, што раней. Памятаеце снегавікоў з вашага дзяцінства: прымітыўна выкананыя тры шарыкі, морква замест носу і рукі з галіначак. Але новае пакаленне робіць рэвалюцыю ў традыцыйным поглядзе на выраб снегавікоў. Цяпер яны больш падрабязныя — маюць грудзі, незвычайныя вушы на макушцы, снежныя — і рознага памеру — рукі. Іншыя дэталі намяляваныя чымсці чырвоным. Дык вось, я не ўпэўненая, што хачу ведаць, чым гэта яны рабілі…
Барацьба з брудам таксама перажывае змены. Прэч абрыдлае «памый мяне»! Уключылі фантазію і малюем!
Маленькая «Пежо» зусім змерзла пад пластом снегу. Але ўсё роўна ўсміхаецца.
Беларусь таксама мае магчымасць пахваліцца сваімі крэатыўнымі сабакамі. Ен нават у аб’ектыў глядзіць. Дарэчы, нядрэнная рэклама бабруйскага заводу расліннага алею.
Straight edge па-нашаму. Можна палюбавацца на плоце па праспекце Міра. А на самой справе — хопіць бухаць, спадарства!
Ала Ерашэнка
