Зніклую ў навагоднюю ноч жыхарку Касцюковічаў знайшлі мёртвай у пограбе. Аб гэтым паведамілі ў аддзяленні інфармацыі і грамадскіх сувязей УУС Магілёўскага аблвыканкама.
У Касцюковіцкі РАУС ад мясцовай жыхаркі паступіла паведамленне пра знікненне яе саракашасцігадовай сястры: ніхто не бачыў жанчыну з першага студзеня. Падчас агляду дома зніклай без вестак у пограбе быў знойдзены яе труп з рознымі траўмамі. Устаноўлена, што жыццё гаспадыні дома абарвалася ў навагоднюю ноч, і траўмы, якія сталі прычынай смерці, па папярэдняй версіі, прычыніў яе трыццацітрохгадовы сужыцель. Ён затрыманы па падазрэнні ў здзяйсненні злачынства.
Касцюковіцкім раённым аддзелам Следчага камітэта ўзбуджана крымінальная справа. Усе падрабязнасці таго, што адбылося будуць устаноўлены ў ходзе следчых мерапрыемстваў.
